Kryeministri në detyrë i Kosovës, Ramush Haradinaj, dhe presidenti i Shqipërisë, Ilir Meta, i cili sot ka zhvilluar një vizitë në Kosovë, kanë shkuar për ngushëllime te familja e Shefqet Zymberit

Haradinaj, përmes një shkrimi në “Facebook”, ka thënë se Shefqet Zymberi ishte një atdhedashës i pashoq si dhe kishte guxim intelektual të vepronte në çfarëdo situate.

Postimi i plotë:

Vizitë ngushëlluese familjes Zymberi nga Gjilani, me rastin e vdekjes së Shefqet Zymberit, profesorit të nderuar, që kishte guximin intelektual të vepronte në çfarëdo rrethane.

Shefqet Zymberi, i takonte gjeneratës së të burgosurve politikë të viteve të ‘60-ta dhe u angazhua bashkë me shumë të tjerë, në avancimin e të drejtave të shqiptarëve të shtypur në ish Jugosllavi.

Një atdhedashës i pashoq, gjithmonë aktiv në çështjen kombëtare.

Ngushëllime të sinqerta, familjes dhe miqve të Shefqetit!

RH