Boksierët legjendarë duket se janë gati për një tjetër kapërcim historik në botën e boksit!
Pas javësh spekulimesh dhe konfirmimesh indirekte, Mike Tyson po e planifikon seriozisht rikthimin në ring, këtë herë me një sfidë që po ngjall kureshtje të madhe tek fansat e sportit – një duel me Floyd Mayweather Jr.
Sipas raporteve më të fundit nga media ndërkombëtare, Tyson ka pohuar se përgatitjet për këtë meç janë duke u zhvilluar, dhe se sfida me Mayweather është një ide që ka filluar pikërisht nga ky i fundit.
Tyson është cituar të thotë se "po, po ndodhë", duke konfirmuar se bisedimet për një meç midis dy legjendave janë reale dhe në zhvillim e sipër, përcjell “Gazeta Express”.
Një duel i papritur, por i pritshëm për fansat. Ky meç, sipas informacioneve paraprake, nuk është një përballje zyrtare profesioniste si në kohën e tyre të karrierës, por një ndeshje ekzibicionale që pritet të realizohet në vitin 2026.
Kjo është një ngjarje që ndërthur nostalgjinë e kohëve të mëdha të boksit klasik me atmosferën moderne të spektakleve sportive.
Megjithatë, ende nuk janë zbuluar detajet zyrtare rreth datës, vendit apo kushteve të ndeshjes — pjesë që mbeten objekt interesimi dhe pritjeje nga tifozët globalë.
59-vjeçari Tyson është një nga emrat më të mëdhenj në historinë e peshave të rënda, i njohur për fuqinë e jashtëzakonshme dhe stilin agresiv që dominonte ringun në vitet ’80 dhe ’90.
Ai i dha fund karrierës së tij aktive në vitin 2005, edhe pse e riktheu vëmendjen e publikut me një meç kundër Jake Paul në vitin 2024, ku pavarësisht humbjes, arriti të tërheqë miliona shikime dhe të gjenerojë fitime të mëdha.
Nga ana tjetër, 48-vjeçari Mayweather, i konsideruar si një nga taktikat më të ndërlikuara dhe inteligjente në historinë e boksit, është i pensionuar nga vitit 2017, por ka zhvilluar një sërë luftërash ekzibicionale që kanë ndezur interes të madh publik.
Një duel midis Tyson dhe Mayweather do të ishte pa dyshim një nga ngjarjet më të ndjekura të vitit, duke sjellë bashkë dy nga emrat më të famshëm në sport — edhe në një moshë kur shumica e sportistëve të mëdhenj të boksit janë të larguar prej kohësh nga ringu.
Fansat pritet t’i mbajnë sytë nga zyrtarizimet e ardhshme, pasi çdo konfirmim mbi vendin, datën dhe formatin e këtij meçi mund të ndryshojë totalisht atmosferën e botës së boksit. /Gazeta Express
