Ish-deputeti i Kuvendit të Kosovës, Milaim Zeka ka thënë se është arritur marrëveshja mes Lëvizjes Vetëvendosje dhe Lidhjes Demokratike të Kosovës, raporton Express.

Përmes një postimi në llogarinë e tij në Facebook, Zeka ka treguar edhe se kush do të jetë Ministër i Punëve të Brendshme.

“Edhe Ministri i Punëve të Brendshme do jetë nga LDK-ja, me gjasë Nehat Idrizi nga Gjilani. Pak ka rëndësi kjo. E rëndësishme është që do të kemi një qeveri...”, ka shkruar Zeka.

Ndryshe, Nehat Idrizi, dje ka dhënë dorëheqje nga pozita e anëtarit në Këshillin Gjyqësor të Kosovës (KGJK).

Në mbledhjen KGJK-së të mbajtur të enjten, kryesuesi Skënder Çoçaj tha se Idrizi ka paraqitur dorëheqje nga pozita e anëtarit në Këshill, e ku në tekstin e dorëheqjes ka theksuar se kjo dorëheqje ka të bëj me arsye personale.

Nehat Idrizi ka qenë edhe kryesues i këtij Këshilli./Express