Raportimet e së dielës pretendojnë se ish-heroi i Tottenham Hotspur, Son Heung-min, është një opsion për Milanin gjatë afatit kalimtar dimëror, pasi thuhet se po kërkon një huazim në stilin e David Beckham për t’u përgatitur për Kupën e Botës 2026.

Son u largua nga Tottenhami pas 10 vitesh në fillim të verës dhe që atëherë është bashkuar me LAFC në MLS, ku ka shënuar nëntë gola në dhjetë ndeshjet e para të kampionatit.

Sezoni i MLS zhvillohet në periudha të ndryshme nga ai i Serie A.

Në vitin 2026, sezoni i rregullt i MLS do të zgjasë nga fundi i shkurtit deri në mesin e tetorit dhe do të përfshijë fazën “play-off”, e cila do të përfundojë me finalen e Kupës MLS më 6 dhjetor. Pas saj, ekipet do të kenë një pushim të gjatë gjatë periudhës jashtë sezonit.

Me Kupën e Botës që do të zhvillohet në verë, janë shfaqur raportime se Son është i interesuar për një huazim të përkohshëm në Evropë për t’u përgatitur më mirë, ngjashëm me mënyrën siç bëri Beckham me kalimin e tij te Milani përpara Botërorit 2010 në Afrikën e Jugut.

Sipas raportimeve të “transferfeed.com”, Milani është një nga destinacionet e mundshme për Son gjatë këtij dimri, nëse LAFC pranon ta lërë të largohet përkohësisht.

Edhe rikthimi te ish-klubi i tij Tottenham, apo një kalim në Korenë e Jugut, janë përmendur si opsione të mundshme./GazetaExpress/