Tani është pothuajse e sigurt se rrugëtimi i Niclas Fullkrug si lojtar i West Hamit ka marrë fund dhe sulmuesi gjerman do të kërkojë largimin në afatin e ardhshëm kalimtar të janarit.

Fullkrug shkëlqeu me Borussia Dortmund në Bundesliga, madje i çoi deri në finalen e Champions League, por nuk ka arritur të përsërisë të njëjtën paraqitje në Premierligë.

Në Itali po e ndjekin këtë situatë me shumë interes.

Sipas “calciomercato.com”, Milani është një nga klubet e interesuara.

Klubi kishte eksploruar mundësinë e transferimit të tij edhe në vitin 2024, por atëherë i kishte dhënë përparësi Tammy Abraham.

Milani ka pasur një sezon të vështirë sa i përket sulmuesve.

Për “Rossonerët”, Santiago Gimenez ende nuk ka arritur të shënojë në kampionat dhe mangësitë e tij i kanë detyruar të përdorin lojtarë si Christopher Nkunku dhe Rafael Leao në qendër të sulmit.

Thuhet gjithashtu se Milani po kërkon të arrijë një marrëveshje me Robert Lewandowskin në verë si lojtar i lirë./GazetaExpress/