Rafael Leao është rikthyer në garë për të qenë titullar për Milanin në përballjen ndaj Romës, në një ndeshje të kryesuesve të Serie A që do të luhet të dielën në mbrëmje, por Massimiliano Allegri mund të detyrohet të bëjë pa dy lojtarë të tjerë të formacionit të parë, sipas përditësimit më të fundit.

Raportimet e së enjtes konfirmuan se Leao ishte një dyshim i madh për Milanin në prag të ndeshjes së ardhshme të Serie A kundër Romës, e cila ndodhet me pikë të barabarta me Napolin në krye të tabelës përpara nisjes së ndeshjes.

Reprezentuesi portugez kishte pasur probleme me inflamacion rreth ijeve, megjithatë, sipas “Calciomercato.com”, Leao ka filluar ta kapërcejë këtë shqetësim dhe tani është në garë për të nisur si titullar ndaj Romës.

Thuhet se Leao “nuk është 100% në formë”, por pritet të jetë nga minuta e parë kundër Giallorossëve, edhe nëse kjo do të thotë që ai të zëvendësohet para përfundimit të ndeshjes.

Sipas raportimeve të së premtes, Fikayo Tomori dhe Santiago Gimenez mund të mungojnë të dy në përballjen ndaj Milanit.

Tomori po vuan nga dy goditje në gju dhe në kofshë, ndërsa Gimenez ende nuk e ka kaluar dëmtimin në kyçin e këmbës që pësoi ndaj Atalantës në ndeshjen e fundit të Serie A.

Sipas “Calciomercato”, të dy janë të detyruar të mungojnë në ndeshjen ndaj Romës, përveç nëse ndodh një përmirësim i papritur gjatë seancës së fundit stërvitore të së shtunës.

Tomori dhe Gimenez i shtohen listës së të dëmtuarve që tashmë përfshin edhe Adrien Rabiot dhe Christian Pulisic, të cilët janë konfirmuar se nuk do të jenë të gatshëm për ndeshjen kundër Romës./GazetaExpress/