Ministri i Jashtëm polak akuzoi të hënën Hungarinë se po tregon një mungesë tronditëse solidariteti me Ukrainën dhe tha se besonte se qeveria hungareze po krijonte një klimë armiqësie ndaj Kievit për ta përdorur në fushatën për zgjedhjet parlamentare hungareze.
“Do të kisha pritur një ndjenjë shumë më të madhe solidariteti nga Hungaria ndaj Ukrainës”, u tha gazetarëve në Bruksel Ministri i Jashtëm polak Radoslaw Sikorski.
“Dhe në vend të kësaj, me ndihmën e propagandës shtetërore… partia në pushtet ka arritur të krijojë një klimë armiqësie ndaj viktimës së agresionit. Dhe tani po përpiqet ta shfrytëzojë këtë në zgjedhjet e përgjithshme. Është tronditëse”, tha ai.
