“Acibadem Sistina” organizon konsultime falas për çiftet që kanë probleme me infertilitetin. Më datë 13 janar 2020 nga ora 9 deri në orën 16 në zyrën e Grupacionit shëndetësor “Acibadem”  në Prishtinë, Dr. Klementina Kuzeska, gjinekologe- akushere do të jetë në dispozicion për të gjithë pacientë.

Të gjithë që janë të interesuar mund të caktojnë termin për konsultim +389 72 911 001 përmes Viberit ose përmes faqes së fejsbukut të Spitalit https://www.facebook.com/SpitaliAcibademSistina/ çdo ditë punë nga ora 8 deri në orën 16.

Nga “Acibadem Sistina” njoftojnë se gjatë vitit janë parashikuar disa konsultime falas me disa mjekë specialistë të ndryshëm.

Mosha nuk është pengesë, bëhuni nënë me qeliza të ngrira vezore edhe pas moshës 40-vjeçare

Dr. Klementina Kuzeska thotë se problemi kryesor me infertilitetin tek gratë në moshën e avancuar është humbja dhe mosha e qelizave vezore. Prandaj duhet të ruhen. Mënyra moderne e jetës, karriera, problemet ekzistenciale janë shkaqet më të shpeshta për shkak të cilave gratë nëpër botë, por edhe te ne më shpesh shtyjnë pasardhësin për vitet e mëvonshme. Por, për shkak se aftësia e gruas për të ngelur shtatzëne ulet ndjeshme pas moshës së 35 vjeçare, Dr. Klementina Kuzeska, specialiste gjinekologe- akushere shpjegon se ngrirja e qelizave vezore është opsion ideal për pasardhës të sigurt. Kjo teknikë mundëson gruas ta shtyjë shtatzëninë për shkak të shkaqeve mjekësore dhe sociale.

Kanceri dhe menopauza e hershme nuk janë pengesë të bëheni nënë

Procedura e prezervimit (ruajtja) e qelizave vezore parimisht është promovuar tek pacientet me sëmundje malinje tek te cilat është e nevojshme të zbatohet kimio ose radioterapia. Kjo terapi i dëmton qelizat vezore dhe ndikon në humbjen e fuqisë riprodhuese.  Me qëllim për të ruajtur fertiliteti tek pacientet më të reja tek të cilat planifikohet trajtim onkologjik, rekomandohet ruajtja e qelizave vezore me ngrirje. Kjo metodë gjithnjë e më shumë përdoret si trajtim parandalues në riprodhim”, thotë Dr. Kuzeska.

Qelizat vezore mund të ngrihen edhe në rast nëse gruaja dëshiron ta shtyjë shtatzëninë, dhe njëkohësisht për t'i ruajtur qelizat vezore cilësore (Social Freezing). Mundësia për mbijetesën e qelizave vezore me metodën e vitrifikimit është nga 90- deri në 97%. Procedura Social Freezing i rrit mundësitë e gruas për të ngelur shtatzëne më vonë gjatë jetës me ndihmën e qelizave vezore të shëndosha dhe të reja nëse i deponon më herët gjatë jetës”, thekson Dr. Kuzeska.

Gratë pa partner nuk duhet të heqin dorë nga amësia

Në këtë mënyrë pasardhës mund të kenë edhe gratë pa partner, gratë me profesione specifike (sportiste, modele), gratë që janë të ekspozuara ndaj ndikimeve të dëmshme të rrethinës në mjedisin e tyre të punës, tek gratë që kanë kryer resekcion në vezoret për shkak të ndryshimeve beninjë dhe për gratë me predispozita familjare për menopauzë të hershme.

Qelizat e ngrira vezore mund të ruhen më shumë se 10 vite

Proceduara është  e padhembshme për pacienten dhe zbatohet nën anestezi të shkurtër. Qelizat e marra vezore menjëherë ngrihen në azot të lëngshëm në temperaturë nga -196°C celsiusë. Në këtë mënyrë ndalohet procesi i plakjes së tyre. Duke i ngrirë në këtë mënyrë qelizat mund të ruhen më shumë se 10 vite”, thekson Dr. Kuzeska.

Procesi i vitrifikimit është mënyra më bashkëkohore për ngrirjen dhe mundëson shkallën e lartë për mbrojtjen e qelizës vezore në fazën e shkrirjes. Ngrirja e qelizave vezore është me sukses më të lartë nëse zbatohet më herët sepse mosha ndikon në mënyrë të ndjeshme mbi cilësinë dhe sasinë e qelizave vezore. Kjo procedurë nuk rekomandohet për gratë mbi moshën  40-vjeçare. Së paku 10, ndërsa në mënyrë optimale 15-20 qeliza vezore të marra për krioprezervim paraqet numri që mundëson një shanse reale për një shtatzëni në të ardhmen. Vitrifikimi i qelizave vezore në Spitalin Klinik “Acibadem Sistina” kryhet me metodën e ngrirjes së shpejtë, një procedurë që jep rezultatet më të mira në mbijetesën e qelizave.

Gratë të cilat nuk kanë qeliza vezore cilësore kanë mundësi për amësi me qeliza të dhuruara vezore

Gratë të cilat nuk kanë qeliza vezore cilësore janë kandidate për fertilizim me qeliza të dhuruara vezore.

Spitali Klinik “Acibdem Sistina” ka kontratë me bankën më të madhe evropiane për qeliza vezore ‘First Egg Bank’ cila është pjesë nga spitali i specializuar për IVF ‘Intersono’ në Ukrainë. Me një përvojë shumëvjeçare në IVF, ‘First Egg Bank’  deri tani ka nënshkruar kontratë me spitale nga 11  vende, mes të cilave: Izraeli, Anglia, Belgjika dhe Austria. Banka ka më shumë se 200 dhurues në moshën prej 18 deri në 36 vjeç. Qelizat vezore janë me cilësi më të lartë, sipas kritereve evropiane, atyre iu është kryer edhe skrining për sëmundje trashëguese dhe infektive.