Produksioni i emisionit televiziv Ferma VIP ka nisur zyrtarisht të ngacmojë publikun me zbulimin gradual të personazheve që do t’i bashkohen këtij reality show, duke e mbajtur ende të fshehtë identitetin e plotë të tyre.

Së fundmi, në rrjetet sociale është publikuar një video e shkurtër nga xhirimet, ku shfaqen në mënyrë misterioze disa nga personazhet që pritet të jenë pjesë e këtij formati.

Megjithatë, Gazeta Express konfirmon se në mesin e tyre do të jetë edhe prezantuesja e emisionit Përtej Kufijve në Televizioni T7, Malbora Gurra.

Nga intervistat me shqiptarë të suksesshëm në Kosovë, Shqipëri dhe në shumë vende të Evropës, Gurra pritet të përballet tashmë me një sfidë krejtësisht ndryshe jetën në fermë dhe dinamikat e një reality show.