Këto janë momentet kur Irani ka goditur Ras Laffan, portin dhe kompleksin më të madh të gazit natyror në botë, duke shkaktuar dëme materiale. Ky impiant prodhon një pjesë të madhe të gazit natyror të lëngshëm (LNG) global, dhe sulmi ka shkaktuar valë pasigurie në tregjet ndërkombëtare të energjisë.

Pas këtij incidenti, bursat ndërkombëtare reaguan me rritje të menjëhershme të çmimeve të gazit dhe energjisë, duke reflektuar shqetësimet për furnizimin global. Autoritetet e Katarit njoftuan se disa nga raketat iraniane u interceptuan nga sistemi i mbrojtjes ajrore, por një pjesë goditi kompleksin, duke shkaktuar dëme dhe ndërprerje në operacionet e tij.

Analistët paralajmërojnë se ky sulm shënon një përshkallëzim të tensioneve në Gjirin Persik dhe mund të ndikojë në mënyrë të konsiderueshme në çmimet globale të energjisë dhe furnizimin me gaz natyror të lëngshëm.