Instituti Hidrometeorologjik i Kosovës ka publikuar të dhënat për parashikimin e motit për ditën e nesërme dhe të pasnesërme.

Sipas IHK-së, vendi ynë do të vazhdojë të mbetet nën ndikimin e masave të ajrit me presion të lartë atmosferik.

Në këto kushte meteorologjike, gjatë këtyre dy ditëve pritet të ketë luhatje në parametrat kryesorë, si të presionit ashtu edhe të fushave termike.

Kjo situatë do të mundësojë që mbi vendin tonë të mbajë mot kryesisht i vranët dhe relativisht i ftohtë.

Të premten pritet që vende-vende të ketë riga të izoluara shiu, ndërsa dita e shtunë parashihet të shoqërohet me reshje bore në pjesën më të madhe të territorit. Temperaturat minimale do të lëvizin ndërmjet -2 deri -1 gradë Celsius, ndërsa maksimalet e ditës parashihen të lëvizin ndërmjet 2-4 gradë Celsius. Do të fryjë erë nga veriu dhe verilindja me shpejtësi 1-9m/s.