Çdo të premte, vajzat e “Për’puthen” duhet që të bëjnë zgjedhjet e tyre për takimet e javës që vjen. Kjo është pjesa ku herë pas here ka edhe debate, pasi vajzat mund të zgjedhin të njëjtin djalë, e ky i fundit duhet pastaj të zgjedhë njërën prej tyre.

Ditën e djeshme, Sindi vendosi që  javën që po vjen të bëjë një takim me Muratin. Të dy kanë treguar më herët se kanë një pëlqim me njëri-tjetrin.

E kur Bora Zemani tha: “Sindi ka zgjedhur Muratin”, iu drejtua duke e pyetur: “Je dakord?”. “Jam shumë dakord”, përgjigjet ai, teksa i dërgon edhe një puthje Sindit.

Në këtë moment, Loco çohet në këmbë dhe pret puthjen që Murati nisi për Sindin dhe ia ktheu mbrapsht. Kjo shkaktoi të qeshura në studio.