Vedat Muriqi i ka reaguar një përdoruesi në “Twitter” që ka kritikuar sulmuesin e Kosovës për festimin e tij, në ndeshjen kundër Alanyaspor.
Sulmuesi i Kombëtares së Kosovës, festoi golin e tij duke i nderuar ushtarët turq që vdiqën në Siri së fundmi.
Ylli nga Prizreni tha se ishte e vështirë të luhej në rrethana të tilla, duke nënvizuar se në jetë ka gjëra më të rëndësishme se futbolli.
Muriqi po i referohej vrasjes së 33 ushtarëve turq në një sulm të qeverisë siriane në zonën veriperëndimore të Sirisë, Idlib, i cila kontrollohet nga opozita.
Kosovari shënoi në barazimin e Fenerbahces 2:2 me Antalyaspor – duke e gjetur rrjetën e portës pas një mungese goli në disa ndeshjet e fundit – dhe festoi duke e bërë përshëndetjen ushtarake, e cila u mirëprit në Turqi.
Kjo nuk është hera e parë që Muriqi bën veprim të tillë në fushë, pavarësisht se UEFA e kishte paralajmëruar Turqinë kundër një përshëndetjeje të tillë ushtarake verën e vitit 2019.
Por, pas ndeshjes, Muriqi tha se goli i tij dhe futbolli nuk ishin të rëndësishme këtë fundjavë.
“Ushtarët tanë heronj ranë martirë. Është e vështirë të luash në këtë mjedis, sepse ka gjëra më të rëndësishme sesa futbolli. Shpresoj se nuk do të humbim më shumë (ushtarë)”, tha Muriqi pas ndeshjes.
Një përdorues i rrjetit social ‘Twitter’, përmes një shkrimi ka treguar se nuk i ka pëlqyer aspak veprimi i sulmuesit prizrenas.
Sido që të jetë, ka ardhur menjëherë reagimi i Muriqit.
“Kjo ishte shenjë respekti për shtetin ku jetoj, dhe që kam fituar gjithçka që kam sot, kultura dhe karakteri i një shqiptarit është me respektu ditën e zi atij vendit që jeton, me dit ti se çfarë respekti kanë turqit për ne shqiptarët e kishe fshi komentin”, shkroi Muriqi.
Vedati e gjeti golin në Turqi pas një kohe, ai nuk e ka nisur mirë vitin 2020 – me shpresën se do të kthehet të bëjë atë që di më së miri, shënimin e golave. /Gazeta Express/
Edhe njehere u shpjegu se pse Kosova nuk mund te jete Kombetare. Tek Kosova luajne Shqiptare, Turq e shume shpejte edhe Serb.
Asgje kunder, vetem se identiteti kombetar eshte dicka tjeter. ??@MuriqiVedat pic.twitter.com/tI8GupptAZ
