Mallorca po kalon një start të vështirë në sezonin e ri të La Ligës, teksa në ndeshjen kundër Barcelonës skuadra e sulmuesit kosovar Vedat Muriqi është gjendur në vështirësi të mëdha.
Në fund të pjesës së parë, rezultati është 0-2 për ekipin katalonas, ndërsa Mallorca ka mbetur me vetëm nëntë lojtarë në fushë.
Pikërisht në minutën e 33, Morlanes u ndëshkua me kartonin e dytë të verdhë, duke e detyruar skuadrën të luajë me dhjetë lojtarë.
Por situata u përkeqësua edhe më shumë për Mallorca-n, kur Vedat Muriqi u ndëshkua me kartonin direkt të kuq pas një ndërhyrjeje ndaj portierit të Barcelonës, Garcia. Ky moment e vuri skuadrën e trajnerit në një disavantazh të thellë dhe e bëri më të vështirë sfidën ndaj një kundërshtari si Barcelona.
Vedat Muriqi is sent off against Barcelona. 🟥
pic.twitter.com/SPlNbH74G6
Ndeshja është karakterizuar edhe nga polemika për referimin, me situatën më të diskutueshme të ndodhur gjatë golit të dytë të Barcelonës, të shënuar nga Ferran Torres.
🚨🇪🇸 GOAL | Mallorca 0-2 Barcelona | Ferran Torres
FERRAN TORRES DOUBLES THE LEAD FOR BARCELONA !!!!!!!!!!!!!!!!!!!!!!!pic.twitter.com/G48yjN9pjU
Para golit, një futbollist i Mallorcas ishte i shtrirë në tokë, por loja nuk u ndërpre dhe mbrojtja vendase nuk e kuptoi se ndeshja do të vazhdonte, duke krijuar konfuzion dhe pakënaqësi te skuadra dhe tifozët.
Me dy lojtarë më pak në fushë dhe duke pësuar dy gola në pjesën e parë, Mallorca duhet të tregojë karakter në pjesën e dytë për të shmangur një humbje të thellë.
Ndërkohë, Muriqi dhe skuadra e tij do të përballen me një sfidë të vështirë për të rikthyer kontrollin dhe për të mos lejuar që Barcelona të shfrytëzojë avantazhin numerik. /GazetaExpress/
