Deputeti i Partisë Demokratike të Kosovës Arben Mustafa, ka deklaruar se Lëvizja Vetëvendosje nuk ka interesim për të dalë nga kriza politike, për të zgjedhur Presidentin e ri.

Këtë deklarim, Mustafa e bëri në Klan Kosova ku foli rreth vendimin të Gjykatës Kushtetuese që i dha edhe 34 ditë shtesë deputetëve.

Sipas tij, rezultati zgjedhor i 28 dhjetorit nuk i ka dhënë numrat e nevojshme asnjë partie për ta zgjedhur shefin e Shtetit, andaj ligjvënësi nga radhët e PDK-së thotë se nevojitet marrëveshje.

“Mirëpo kushtet në të cilat kanë filluar ato diskutime, dhe koha kur kanë filluar ato diskutime tregojnë se ai proces ka qenë i dizajnuar për të dështuar apo ka pasur një prapavijë të pasinqertë prapa për të çuar procesin deri pak ditë para skadimit të afatit, në mënyrë që të vendosen partitë opozitare në presion”, deklaroi Mustafa.