Sigal Prishtina e ka fituar trofeun e Superkupës së Kosovës.

Skuadra kryeqytetase shënoi fitore bindëse sonte në finalen ndaj Trepçës, shkruan Gazeta Express.

Ndeshja e zhvilluar në Pallatin e Rinisë dhe të Sporteve përfundoi me rezultatin 73:54.

Pas këtij triumfi ka reaguar edhe klubi kryeqytetas përmes rrjeteve sociale.

Në postimin e faqes zyrtare të klubit thuhet: “Na s'i dojna kupat, kupat na dojne neve!”.

Klubi i Prishtinës gjithashtu ka njoftuar se sonte do të ketë festë në sheshin “Zahir Pajaziti”. /Gazeta Express/