Arbërie Nagavci, që në qeverinë e kaluar ishte ministre e Arsimit, këtë herë nuk ka marrë ndonjë post ekzekutiv. 

Ajo sot është parë në mbledhjen e parë të kryesisë se Kuvendit, ku morën pjesë nënkryetarët e kuvendit dhe shefat e Grupeve Parlamentare të partive.

Mirëpo deri tani VV nuk ka njoftuar nëse Nagavci është caktuar shefe e Grupit Parlamentar të tyre.

Pozitën e shefes më herët e ka mbajtur Mimoza Kusari Lila nga Alternativa, por kësaj here Kurti ia ka besuar asaj postin e ministres së Industrisë, Ndërmarrësisë, Tregtisë dhe Inovacionit.

Express ka kontaktuar Nagavcin, por deri më tani ajo nuk ka kthyer përgjigje.