Napoli raportohet se ka bërë një ofertë të re ndaj Bolognas për Dan Ndoye, në formën e huazimit me detyrim blerjeje për 35 milionë euro plus bonuse, ndërsa Nottingham Forest mbetet ende në garë.

Anësori gjendet në një situatë të pazakontë, pasi ka arritur marrëveshje personale me të dy klubet, dhe tani po pret të shohë se cili do të arrijë të gjejë gjuhën e përbashkët me Bolognan për tarifën e transferimit.

Kjo nuk do të jetë e lehtë, pasi Bologna nuk ka nxitim për ta shitur, veçanërisht pas largimit të mbrojtësit Sam Beukema, i cili iu bashkua Napolit më herët këtë merkato.

Oferta e re nga Napoli për Ndoye

Sipas ekspertëve të merkatos Matteo Moretto dhe Fabrizio Romano, mbrëmjen e sotme Napoli ka paraqitur një ofertë të re për Ndoye që përfshin:

Huazim fillestar prej 9 milionë eurosh

Detyrim blerjeje në fund të sezonit për 26 milionë euro të tjera

5 milionë euro bonuse të bazuara në performancë, duke e çuar shifrën totale në 40 milionë euro maksimumi.

Kjo është një skemë shumë e ngjashme me atë që Napoli përdori për të transferuar Lorenzo Lucca nga Udinese.

Tani mbetet për t’u parë nëse Bologna do ta pranojë ofertën, apo do të presë një kundër ofertë nga Nottingham Forest, duke hyrë në një luftë ofertash.  /GazetaExpress/