Napoli është lideri i ri i Serie A.
Ekipi i drejtuar nga Antonio Conte triumfoi 3:1 në shtëpi në derbi ndaj Interit, në kuadër të javës së tetë në elitën e futbollit italian.
Kevin De Bruyne kaloi vendasit në epërsi në minutën e 33-të kur shënoi nga penalltia, shkruan Gazeta Express.
Megjithatë, belgu ishte i pafatë, pasi u lëndua gjatë ekzekutimit, duke u detyruar të lërë fushën.
Scott McTominay e dyfishoi epërsinë e vendasve me gol të bukur në minutën e 54-të.
Pesë minuta më pas, Calhanoglu ngushtoi rezultatin me gol nga penalltia.
Megjithatë, Anguissa në minutën e 66-të shënoi për t’ia shuar komplet shpresat mysafirëve.
Me këtë fitore, Napoli tani është lider në Serie A me 18 pikë, një më shumë se Milani dhe tri më shumë sesa Interi që aktualisht është i katërti.
