Napoli u rikthye dy herë nga disavantazhi për të barazuar 2-2 ndaj Romës në një ndeshje shumë emocionuese.
Golat e skuadrës napolitane u shënuan nga Leonardo Spinazzola dhe Alisson Santos, ndërsa për Romën realizoi dy herë Donyell Malen.
Roma kaloi në epërsi shumë herët, kur Zaragoza asistoi për Malen, i cili shënoi nga afër.
Napoli reagoi me barazimin e Spinazzolës, që realizoi një supergol nga distanca.
Në pjesën e dytë Roma riktheu avantazhin me penalltinë e Malen, pasi Amir Rrahmani shkaktoi faull në zonë.
Megjithatë Napoli barazoi sërish me një goditje të fuqishme të Alisson Santos, që shënoi golin e parë me fanellën e klubit.
Napoli kërkoi edhe golin e fitores në fund, por ndeshja u mbyll në barazim 2-2.
Amir Rrahmani u lëndua në faullin e shkaktuar ndaj Wesleyt te penalltia dhe u detyrua ta lë ndeshjen më herët.
Me këtë barazim, Napoli e mban pozitën e tretë në tabelë me 50 pikë, tri më shumë se Roma në vendin e katërt./GazetaExpress/
