Napoli ka intensifikuar kontaktet me Manchester United për transferimin e sulmuesit danez Rasmus Højlund.

Sipas raportimeve të fundit, palët janë sërish në negociata, me bisedimet që po zhvillohen për të gjetur një marrëveshje të pranueshme për të dy klubet, transmeton Gazeta Express.

Edhe kampi i lojtarit është në diskutime me kampionët e Italisë së sezonit 2022/23. Højlund shihet i prirur për një kalim te Napoli, por kërkon edhe garanci se do të qëndrojë në klub në të ardhmen dhe jo vetëm në formë huazimi afatshkurtër.

Aktualisht, bisedimet janë ende në zhvillim dhe marrëveshja nuk është e thjeshtë, por interesimi i Napolit mbetet serioz për ta sjellë 21-vjeçarin në Serie A.

Ky zhvillim vjen në një moment kur Napoli është në kërkim të një qendërsulmuesi të ri pas lëndimit të Romelu Lukakut dhe pasigurisë që ka krijuar mungesa e tij afatgjatë.