Kryetari i Komunës së Ferizajit, Agim Aliu ka njoftuar me anë të një telegrami të ngushëllimit për ndarjen nga jeta të karateistit, Sejdulla Veseli.

Aliu ka shkruar se Veseli ishte njëri prej sportistëve më të shquar të komunës së Ferizajit. Ai ishte pjesë e Klubit të Karatesë, “Fituesi” në Ferizaj.

“Me dhembje mora lajmin për ndarjen e hershme nga jeta të sportistit të shquar ferizajas, karateistit Kampion nga Klubi i Karatesë “Fituesi” në Ferizaj, Sejdulla Veseli”, ka shkruar ai fillimisht në Facebook.

“Ai i dha lamtumirën botës së të gjallëve në moshë të re, duke lënë pafund mërzi prapa vetes, tek familja, miqtë, shokët e pasionit e të njohurit e tij”

“Ngushëllime të sinqerta familjes Veseli, komunitetit sportiv, miqve e të njohurve të të ndjerit. Qoftë i parajsës shpirti i tij!”, ka shkruar Aliu. /GazetaExpress/