Boksi e humbi pak ditë më parë edhe një sportist.
Boksieri nga Indonezia, Hero Tito ndërroi jetë pasi qëndroi në koma për disa ditë shkaku i tronditjes që e pësoi në meçin e zhvilluar më 27 shkurt në Xhakarta.
Tito, emri i vërtet i së cilit është Heru Purwanto, ndërroi jetë në moshën 35 vjeçare, shkruan “Gazeta Express”.
Ai përfundoi në dysheme nga goditjet e kundërshtarit James Mokoginta.
Dhe, bota e boksit e ka kujtuar indonezianin pas rastit tragjik që ndodhi.
Legjenda e boksit, Lennox Lewis dhe pjesa tjetër elitare e boksit, përmes rrjeteve sociale kanë shprehur dhimbje dhe keqardhje për atë që ndodhi.
“Sa herë që një boksier zbret në ring, e di se kjo mund të jetë hera e fundit për të. Bota e boksit e humbi një tjetër anëtar. Pusho në dashuri Hero ‘The Lion’ Tito”, ka shkruar Lewis në “Twitter”.
Every time a fighter steps in the ring, they do so knowing it could be their last time. The boxing fraternity has lost another member. Rest in love Hero “The Lion” Tito ??❤️? pic.twitter.com/UVPI4TuUN0
Edhe boksierë dhe ish-boksierë të tjerë i kanë bërë homazhe boksierit indonezian, duke e ngushëlluar familjen dhe miqtë. /Gazeta Express/
