Sokol Kushta, shqiptari që i ka shënuar serbëve në Beograd.

Sot si një ish-futbollist i Kombëtares Shqiptare dhe specialist futbolli analizon ndeshjen e 7 qershorit në Tiranë.

Për ABC News, Kushta thekson se në këtë moment duhet të mendohet vetëm për anen sportive dhe jo faktorët e tjerë, kjo edhe për te evituar presionin te skuadra.

Pas 90 minutave mund të kalohet edhe te faktorët politikë, por deri në perfundim të ndeshjes rëndësi ka vetëm ana sportive.

“Nuk është punë nostalgjie, këtu është punë realiteti. Një fitore sot e fshin cdo histori që ka ngelur për X vite. Ne sot duhet të jemi të kënaqur nëse ekipi kombëtar, luan dhe fiton kundër Serbisë. Nuk mund të them vë dinjietetin nga ana sportive, tregon se jemi dinjitoz për kampionatin botëror. T’i lëmë anët politike, janë të tjera. Ne do fokusohemi në këtë moment vetëm nga ana sportive, pas ndeshjes mund të cilësojmë cdo gjë si në anën politike, ekonomike. Nuk duhet të merremi me anën politike, të kalojmë në anën sportive. Ne duhet të motivohemi. Trajneri e ka bërë zgjedhjen e ekipit, kështuqë cfarë na ngelet? Ne jemi specialista por jemi edhe tifozë në këto momente ne jemi tifozë të ekipit kombëtar dhe ndalojmë edhe të dhënurit mendim, në momentin që trajneri e ka nxjerrë ekipin. Ne tani jemi mbështetës. Më e mira për ne është minimalja barazimi, dhe maksimumi të fitojmë.’ tha ai.

Shqipëria luan ndaj Serbisë në Tiranë në 7 qershor dhe tre ditë më vonë ndaj Letonisë në transfertë, takime të vlefshme për eleminatoret e kampionatit botëror.