Kapiteni i Nigerisë, Wilfred Ndidi, ka marrë një vendim të veçantë për të motivuar skuadrën për përballjen kundër Algjerisë. Futbollisti nigerian ka deklaruar se ka urdhëruar ekipin të stërvitet dhe të përgatitet për ndeshjen, pavarësisht mosmarrëveshjeve financiare me Federatën.

“Kam thënë lojtarëve të stërviten dhe të përgatiten për ndeshjen ndaj Algjerisë. Nëse Federata nuk i paguan bonuset deri të shtunën, unë do t’i paguaj personalisht lojtarët dhe stafin,” – u shpreh Ndidi.

Aktualisht, ekipi nigerian po refuzon të udhëtojë për ndeshjen për shkak të vonesave në pagesën e bonusve, duke rritur tensionin para sfidës së rëndësishme.

Situata mbetet e ndërlikuar, por Ndidi po përpiqet të sigurojë që skuadra të përqendrohet në fushë dhe të mos dëmtohet nga mosmarrëveshjet jashtë saj. /GazetaExpress