Kryetari i Skenderajt, Sami Lushtaku, ka bërë të ditur se sonte në këtë qytet janë ndezur qirinj në nderim të 147 civilëve të vrarë në masakrën e Izbicës.
Lushtaku po ashtu, ka komentuar ekspozitën në Prishtinë për masakrat në Kosovë, duke thënë se njëjta është fyerje për viktimat dhe për çdo familje që ka dhënë për lirinë e Kosovës.
Postimi:
Asnjë më pak se 147!
147 qirinj të ndezur sonte në Skenderaj në nderim të 147 civilëve të vrarë e të masakruar në Izbicë të Skenderajt. 147 janë jetë të pafajshme të masakruara mizorisht nga forcat serbe para 27 vitesh.
Dhe pikërisht sot, kur kujtesa kërkon dinjitet, "këshilltarë" të pushtetit qendror tentojnë ta ndryshojnë e tjetërsojnë të vërtetën. Ekspozita e Shkelzen Gashi është fyerje për viktimat dhe për çdo familje që ka dhënë për lirinë e Kosovës.
Nuk ka barazim e nuk ka tjetërsim. E vërteta për Masakrën e Izbicës dhe për shumë krime të tjera në Kosovë është e pastër si kristali dhe kush e shtrembëron atë në favor të Serbisë është kundër të vërtetës dhe krah tyre që kryen krime në Kosovë!
SL
