Të hënën e 19 janarit do të fillojë procesi mësimor në të gjitha shkollat e Komunës së Fushë Kosovës.

Nisja e gjysmëvjetorit të dytë atje u vonua për shkak të përmbytjeve që përfshinë vendin së fundmi.

“Pas stabilizimit të gjendjes së krijuar nga vërshimet, si dhe sanimit të problemeve me sistemin e ngrohjes në shkollat ku kishte prishje, tashmë janë krijuar të gjitha kushtet për fillimin normal të procesit mësimor”, tha Komuna e Fushë Kosovës në një postim në Facebook.

Drejtoria për Arsim ka uruar nxënësit dhe mësimdhënësit për fillimin e gjysmëvjetorit të dytë.

“Nxënës të dashur, ju urojmë mbarësi në mësime, ndërsa mësimdhënësve u shprehim mirënjohje për përkushtimin, profesionalizmin dhe kontributin e vazhdueshëm në edukimin dhe formimin e brezave të rinj".