E ardhmja e mesfushorit shqiptar Kristjan Asllani duket gjithnjë e më afër Bolognas.
Sipas gazetarit të njohur Fabrizio Romano, palët janë në bisedime të avancuara dhe aktualisht po negociojnë kushtet përfundimtare të kontratës personale të futbollistit.
Romano thekson se “negociatat janë duke vazhduar mes kampit të Kristjan Asllanit dhe Bolognas për kushtet e kontratës. Detajet e marrëveshjes janë në diskutim, por optimizmi mbetet i lartë tek klubi italian, i cili beson se transferimi do të finalizohet shumë shpejt.”
Detajet financiare të marrëveshjes
Interi, që zotëron kartonin e lojtarit, pritet të përfitojë 10 milionë euro nga ky transferim. Një element i rëndësishëm i marrëveshjes është edhe klauzola e përfshirë nga zikaltërit: në rast të një transferimi të ardhshëm të Asllanit nga Bologna te një tjetër skuadër, Interi do të përfitojë 40% të shumës së shitjes.s
Ky detaj tregon se klubi nga Milano ende e sheh me potencial mesfushorin shqiptar, duke ruajtur kështu një interes të drejtpërdrejtë për të ardhmen e tij në futbollin italian dhe europian.
🚨🔴🔵 Negotiations underway between Kristjan Asllani’s camp and Bologna over contract terms.
Contract details being discussed with Bologna confident to get the deal done.
Inter would receive fee close to €10m plus 40% sell-on clause. pic.twitter.com/e5HdEfEwmk
Roli i Asllanit te Bologna
Bologna, që këtë sezon do të marrë pjesë Ligën e Europës, e sheh Asllanin si një përforcim strategjik për mesfushën. Trajneri i ri i skuadrës beson se futbollisti kuqezi mund të japë balancën e nevojshme mes mbrojtjes dhe organizimit të lojës në qendër të fushës.
Nga ana tjetër, vetë Kristjan Asllani shihet si një lojtar me perspektivë të madhe, pasi ka treguar vlerat e tij në eksperiencën me Interin, ku megjithatë e pati të vështirë të siguronte një vend titullari për shkak të konkurrencës së lartë.
Kapitull i ri për mesfushorin kuqezi
Nëse gjithçka shkon sipas planit, transferimi i Asllanit drejt Bolognas pritet të zyrtarizohet në ditët e ardhshme, duke hapur kështu një kapitull të ri në karrierën e tij. Për kombëtaren shqiptare, kjo lëvizje konsiderohet mjaft pozitive, pasi mesfushori do të ketë më shumë minuta dhe hapësirë për t’u zhvilluar në nivel të lartë. /GazetaExpress/
