Cesc Fàbregas dhe Como duket se mund të kualifikohen për Ligën e Kampionëve, por klubi mund të përballet me probleme me stadiumin dhe penalitete nga UEFA për “Financial Fair Play”.

“Lariani” ishin në Serie B vetëm dy sezone më parë, por aktualisht po fluturojnë lart në vendin e katërt, shumë përpara Romës dhe Juventusit në garën për kualifikim në Champions.

Kjo do të ishte një arritje e jashtëzakonshme për klubin e vogël, i cili nuk ka marrë pjesë në një kompeticion evropian që nga Mitropa Cup në sezonin 1980-81, kur ishin të lejuar fituesit e titullit të Serie B.

Nëse Como do të hyjë në Ligën e Kampionëve, kjo mund të krijojë disa probleme të konsiderueshme, duke filluar me stadiumin “Stadio Sinigaglia”.

Do të nevojitej rindërtim për ta bërë arenën të përshtatshme për kompeticionet e UEFA-s, dhe nëse kjo nuk përfundonte deri në shtator 2026, ata do të detyroheshin të luanin ndeshjet e shtëpisë në një vend tjetër.

Kjo nuk është krejt e re; sipas raportimeve të “Calcio e Finanza”, ata kanë kërkuar ndihmën e Sassuolos për të përdorur stadiumin “Mapei”.

Ata kishin bërë një favor të ngjashëm edhe për Atalantën kur hyri për herë të parë në Champions.

Një problem tjetër lidhet me financat e Comos, pasi klubi u mor nga familja e pasur indoneziane Hartono pas falimentimit në Serie D.

Investimi i tyre i fortë i ka lejuar skuadrës të përparojë shumë, por kjo gjithashtu do të thotë se ata përfunduan vitin financiar në qershor 2025 me një humbje prej 105 milionë eurosh.

Raportimet e “Calcio e Finanza” thonë se UEFA do t’i jepte disa lehtësira klubit të Serie A për sezonin e parë, por më pas do të kërkohej një “Settlement Agreement” derisa financat të ekuilibrohen.

Situata nuk ndryshon shumë nga ajo që Aston Villa u përball kur u rikthye në Evropë në 2023./GazetaExpress/