Që nga java e parë e tetorit, Newcastle ka përfituar nga një skemë që kompenson klubet e futbollit kur lojtarët e tyre pësojnë një dëmtim serioz gjatë detyrës ndërkombëtare.
Para ndeshjes së tyre të Premierligës kundër Everton të shtunën, trajneri i Newcastle, Eddie Howe, tha se Yoane Wissa “duket mirë” pasi sulmuesi stërviti për herë të parë që nga kthimi nga dëmtimi.
“Yoane po shkon mirë. Ai stërviti për herë të parë me ekipin të mërkurën,” tha Howe.
“Isha shumë i kënaqur që ishte hera e tij e parë në stërvitje konkurruese. Do të shohim si duket. Kemi një datë në mendje për rikthim, por ndoshta është më mirë ta mbajmë për vete”, shtoi ai.
Newcastle ka qenë pa Wissa që nga transferimi i tij prej 55 milionë paundësh nga Brentford verën e kaluar, pasi ai pësoi një dëmtim serioz të ligamenteve të gjurit gjatë detyrës ndërkombëtare me DR Kongon në shtator.
Si rezultat, zyrtarët e klubit kërkuan që paga e tij e raportuar prej 140,000 paund në javë të mbulohej përmes Programit të Mbrojtjes së Klubeve (CPP) të FIFA-s, sipas një raporti të “Daily Mail”.
Skema CPP siguron mbrojtje financiare për klubet kur lojtarët e tyre thirren për kombëtare.
Nëse një lojtar dëmtohet duke luajtur për vendin e tij dhe nuk mund të kthehet te klubi, programi ofron mbështetje financiare. Thuhet se skema ka paguar pagën e Wissas që nga 7 tetori.
Eddie Howe nuk dha detaje për datën e rikthimit të Wissas, por raportet sugjerojnë se ai mund të jetë i gatshëm në mes të dhjetorit për vizitën e Newcastle te rivalët lokalë, Sunderland.
“Nuk duam të zhgënjejmë askënd,” tha Howe për datën e rikthimit të Wissas. “Sigurisht, duam ta përfshijmë sa më shpejt.”
Newcastle do të udhëtojë në “Hill Dickinson Stadium” të shtunën për të përballuar një Everton në formë të mirë.
Pyetur nëse një fitore jashtë fushe ndaj “Toffees” mund të jetë rezultati më i rëndësishëm i sezonit të Newcastle, Howe tha: “Ndoshta. Na duhet kjo fitore jashtë fushe.”
Ai shtoi: “Pa e ekzagjeruar, çdo fitore, veçanërisht fitoret radhazi në Premierligë, janë transformuese, veçanërisht duke parë sa i ngushtë është kampionati këtë vit.”/GazetaExpress/
