Tite beson se Brazili mund t’ia dalë edhe pa Neymarin

Neymar ka qenë në qendër të vëmendjes për shumë vite, sidomos pas largimit nga Barcelona. Ai ëhstë një lojtar që cdo kush do të dëshironte ta kishte në skuadër, megjithatë, trajneri i Brazilit, Tite, thotë se mund t’ia dalin edhe pa të.

Derisa natyrisht, është i lumtur që vazhdon ta ketë në ekip.

“Neymar është siguria jonë, sepse ai është i paparashikueshëm në lojë”, tha Tite.

“Sepse ai të ofron shumë si në aspektin individual ashtu edhe në atë ekipor që jo të gjithë munden dhe me të, potenciali i ekipit nuk është i njëjtë. Ai është esencial, por jo i pazëvendësueshëm”.

Neymar shihet si një lojtar problematik dhe jo punëtor, ama talenti i tij është i jashtëzakonshëm. /Gazeta Express/