Një zhvillim i papritur në shtëpinë e Big Brother VIP Albania ka tërhequr vëmendjen e fansave dhe mediave, pasi një postim i rishpërndarë në faqen zyrtare të Gjestit në Instagram ka lënë hapësirë për spekulime rreth dëshirës së tij për t’u larguar nga loja.

Ish-fituesi i Big Brother Albania 6, Anaidi, ka bërë një postim në rrjetet sociale që duket se ka tërthorazi konfirmuar dëshirat e Gjestit për të lënë shtëpinë.

Në këtë postim, ai kërkoi “një urdhër mbrojtjeje për Gjestin,” duke thënë se ai “u hodh se nuk duronte dot më Eglin” dhe se “e bëri të tregojë që nuk e ka për lojë.” Ai gjithashtu theksoi se Gjesti veproi kështu sepse “nuk do ta lëndojë” dhe “i vjen keq për veten”.

Ky postim ka qenë i rishpërndarë në InstaStory nga vetë Gjesti, duke ngritur më shumë pyetje mbi qëllimet e tij dhe ndjenjat që e shtynë drejt këtij veprimi të papritur.

Është e njohur se kapërcimi i murit në shtëpinë e BBVA është një shkelje e rregullave të këtij formati, dhe në kushte normale, një veprim i tillë do të sillte përjashtimin nga loja. Tensioni mes Gjestit dhe banorëve të tjerë, sidomos me Eglin, duket se ka arritur pikën e tij kulmore, duke e detyruar atë të marrë një vendim kaq drastik.

@bigbrothervviipalb4 #bigbrothervipalbania #bigbrothervipkosova #fyp #videoviral #capcut_edit #shqiptaretneperbote🇦🇱🌍 #megjestin #gjesti #diaspora ♬ original sound - 👑🤝👑KULAÇi👑👑

Tani mbetet të shihet se si do të reagojë produksioni i Big Brother ndaj këtij incidenti dhe çfarë pasojash do të ketë Gjesti për veprimin e tij.