Milani thuhet se ka arritur një marrëveshje me mesfushorin e Bayer Leverkusenit, Granit Xhakën, për një kontratë trevjeçare me vlerë 4 milionë euro në sezon.

Sipas “Calciomercato.com”, mesfushori me përvojë ka rënë dakord të firmosë një kontratë trevjeçare me pagë prej 4 milionë euro në sezon, plus bonuse.

Tani, “Kuqezinjtë” duhet të nisin negociatat me Bayer Leverkusenin, që tashmë kanë humbur Florian Wirtz dhe Jeremie Frimpong (që janë transferuar te Liverpooli) si dhe Jonathan Tah (që ka kaluar te Bayern Munich).

Sipas raportimit, Milani synon të ofrojë 10 milionë euro për të bindur klubin gjerman të lejojë largimin e ish-yllit të Arsenalit.

Milani ka shitur Tijjani Reijnders te Manchester City dhe pritet të zyrtarizojë transferimin e lirë të Luka Modric sapo të përfundojë Kupa e Botës për Klube.

Sipas “Football Italia”, legjenda e Real Madridit do të firmosë një kontratë njëvjeçare në “San Siro”.

Xhaka shënoi dy gola dhe dha shtatë asistime në 34 paraqitje në Bundesliga nën drejtimin e Xabi Alonsos gjatë sezonit 2024-25./GazetaExpress/