Një episod i rrallë u regjistrua këtë të mërkurë në ndeshjen e Kategorisë Superiore mes Vorës dhe Bylisit në stadiumin “Selman Stërmasi” në Tiranë.

Portieri francez i Bylisit, Jeremy Vachoux, vendosi të largohej nga fusha në minutën e 42, ndërsa rezultati ishte 2-0 për Vorën.

Ngjarja ndodhi pas një rasti të humbur nga skuadra e Vorës, ku 31-vjeçari u nervozua dhe hodhi dorezat për të braktisur fushën.

Arbitri Ermir Celaj e ndëshkoi me karton të verdhë për sjellje jo sportive, ndërsa Vachoux hoqi edhe fanelën. Në vend të tij u aktivizua portieri i dytë, Renato Beqaj, që u gjet i papërgatitur për situatën. /GazetaExpress