As bora e as temperaturat e ulëta nuk po ia lënë shenjë përmirësimit të cilësisë së ajrit të ndotur në Kosovë. Si pasojë, Prishtina vazhdon të mbetet kryeqyteti më i ndotur në botë

Sikurse edhe viteve të kaluara, siç duket edhe këtë vit vlerat e ndotjes së ajrit do të jenë po të njëjtat. Gjatë gjithë ditës së sotme kryeqyteti është kapluar nga ndotja enorme e ajrit, shkruan Gazeta Express.

Sipas matësit të vendosur nga Ambasada e SHBA-së në Prishtinë, ndotja aktualisht shënon nivelin prej 153 PPM.

E ndërkohë sipas matësve të tjerë të ajrit, Kosova momentalisht renditet e para në botë për ndotje.

Edhe pse viteve të kaluara ka pasur raportime të shumta madje edhe protesta për ndotjen e ajrit, akoma nuk është ndërmarrë asgjë për ta rregulluar këtë problem.

Kujtojmë se jo rrallë herë Prishtina u radhit si qyteti i parë në botë me ndotjen më të madhe. /GazetaExpress/