Ardian Krasniqi do ta zhvillojë meçin e tretë në boksin profesional të shtunën, më 5 nëntor, nga ora 18:00 në “Walter-Schmid-Halle Giengen”.

Dy meçet e para i fitoi bindshëm. Kundërshtarët nga Republika Çeke dhe Polonia u eliminuan pas një lufte të shkurtër, transmeton Gazeta Express.

“Këto ishin luftime të forta”, tha Ardiani për “NRWZ.de”, duke shtuar: “Dëshiroj gjithashtu të tregoj se çfarë mund të bëj fizikisht”.

Ardiani, i cili është nipi i ish-boksierit Luan Krasniqi, po vazhdon përgatitjet për meçin e radhës në palestër, i mbikëqyrur nga babai dhe trajneri i tij, Agimi.

“Kur fillova të merresha me sport, edhe performanca ime në shkollë u përmirësua”, tregon ai me krenari në këtë intervistë.

Gjatë kësaj kohe ai ishte shumë aktiv si boksier amator. Ai zhvilloi 70 meçe për BSV Rottweil, duke fituar 64 prej tyre. Por, më pas beteja mbaroi papritmas, pasi përhapja e koronavirusit nuk e lejoi më atë të vazhdonte.

E kështu Ardian Krasniqi e mori pushimin si mundësi për të kaluar në boksin profesional. Ai është pjesë e kampit që menaxhohet nga xhaxhai i tij, Luani. Babai i tij, Agimi, që e stërvit thotë se ka një moto që është: “edukim, disiplinë dhe teknologji” sepse “boksi është art”.

Ardian Krasniqi tashmë i ka në mendje synimet e tij: Para së gjithash, të ngjitet në renditje me fitore në mënyrë që të luftojë për një kampion gjerman dhe një titull (evropian) të EBU. Dhe pastaj ai përpiqet të marrë një luftë për kampion botëror. Por, kjo është ende shumë larg, sigurisht.

26-vjeçari do të ishte Krasniqi i dytë në fronin e kampionit të botës. Jo xhaxhai i tij Luani, por Haxhi Robin Krasniqi kishte fituar titujt WBO dhe WBA. /Gazeta Express/