Kampioni aktual gjerman (BDB) në peshën gjysmë të rëndë, Ardian Krasniqi nga Rottweil, tani është pjesë e “Primetime Promotion”.
Nga “Primetime Promotion”, e kanë cilësuar si marrëveshje të jashtëzakonshme dhe gjatë ditëve në vijim do të mësohet edhe meçi i ardhshëm i boksierit shqiptar, përcjellë “Gazeta Express”.
“Ne jemi të lumtur të mirëpresim nipin e ish-kampionit evropian dhe nënkampionit botëror, Luan Krasniqi!
“Jemi të sigurt se Ardiani, me potencialin, talentin dhe bazën e tij të pabesueshme të tifozëve, do të bëjë që arenat e Gjermanisë të dridhen përsëri! Lajmet për ndeshjet do të vijnë shumë shpejt, deri atëherë, qëndroni në pritje”, thonë kryesuesit e ekipit “Primetime”.
27-vjeçari gjatë karrierës në boksin profesionist, ka zhvilluar nëntë meçe dhe ka shënuar nëntë fitore (të gjitha me nokaut)./GazetaExpress/
