Viktor Gyokeres po e shtyn gjithnjë e më shumë kalimin e tij te Arsenali, ndërkohë që një çështje ligjore që ka dalë në Portugali mund të ketë ndikim të madh në këtë transferim.

Çfarë po ndodh me Gyokeres?

Suedezi ka refuzuar të kthehet në stërvitje me Sportingun, duke kërkuar me çdo kusht transferimin e tij këtë verë.

Arsenali ka arritur marrëveshje për 55 milionë paund, por negociatat për bonuset dhe shtesat po vonojnë finalizimin.

Man United gjithashtu ka shfaqur interes të madh, por është dukshëm prapa Arsenalit, pasi që vet suedezi ka treguar preferencën e tij.

Çështja ligjore që ndikon situatën

Sipas avokatit João Caido Guerreiro, nëse një lojtar mungon 5 ditë radhazi pa arsye, klubi mund ta përjashtojë nga kontrata me arsye të ligjshme. Në këtë rast, Sporting mund të kishte ndjekur rrugën e shkëputjes së kontratës me masa disiplinore dhe gjoba të rënda.

Por një problem qëndron te klauzola e zgjidhjes së kontratës së Gyokeres:

Klauzola e lirimit është 100 milionë euro.

Fillimisht u mendua që, nëse shkarkohej, Gyokeres mund të detyrohej të paguante këtë shumë.

E vërteta ligjore sipas nenit 25 të Ligjit të Punës në Sport në Portugali është se:

Klauzola e dëmshpërblimit duhet të jetë proporcionale me pagën e lojtarit.

Nëse është “tejet e ekzagjeruar”, ajo mund të ulej ligjërisht nga gjykata.

Gyokeres fiton rreth 2 milionë euro në vit – pra është e pamundur që ai të paguajë 100 milionë euro.

Avokati deklaron se: “Kjo është skllavëri moderne, dhe është ndaluar prej kohësh.”

Rasti i ngjashëm: Francisco Conceição (Porto - Juventus)

Një rast tjetër i ngjashëm po ndodh në Portugali: Francisco Conceição ka hequr dorë nga 20% e të drejtave të tij për transferim (rreth 6 milionë euro) për të përfunduar transferimin e tij te Juventusi për 30 milionë euro.

Pavarësisht kësaj Gyokeres është shumë pranë kalimit të Arsenalit.

Sporting mund të ndëshkojë lojtarin, por nuk mund të kërkojë shifra të ekzagjeruara.

Arsenali mbetet favorit për të mbyllur marrëveshjen./GazetaExpress/