Dani Ceballos nuk po kalon momentin e tij më të mirë te Real Madrid.
Mesfushori nga Utrera, i cili edhe gjatë sezonit kishte pak minuta në dispozicion, ka mbetur jashtë planeve pas ardhjes së Xabi Alonsos në stolin e bardhë.
Mungesa e tij në Kupën e Botës për Klube ka qenë pika që ka ndezur një pakënaqësi që kishte kohë që po grumbullohej dhe tani duket e paqëndrueshme.
Futbollisti andaluzian beson se e ka humbur përfundimisht vendin në rotacion, sidomos pasi kuptoi se nuk luajti asnjë minutë në debutimin e trajnerit bask.
Frustrimi i tij është rritur gjithnjë e më shumë, duke u ndier i lënë mënjanë përballë emrave me më shumë rëndësi, dhe ka marrë vendimin për të kërkuar një largim.
Klubi është i vetëdijshëm për pakënaqësinë e lojtarit, por ende nuk ka marrë një qëndrim të prerë.
Në moshën 28-vjeçare, Ceballos e kupton se i nevojitet vazhdimësi për të ruajtur nivelin konkurrues, dhe konteksti aktual nuk i ofron garanci.
Edhe pse rinovoi, roli i tij ka kaluar nga një alternativë e dobishme nga stoli në një burim i harruar. Rrethi i tij i ngushtë tashmë ka filluar të kërkojë mundësi në klube të tjera ku ai mund të rifitojë besimin dhe rregullsinë që aktualisht i mungon.
Nga Valdebebas nuk e kanë mbyllur derën për një largim, por theksojnë se çdo transferim duhet të ndodhë në kushte të favorshme.
Vetë lojtari ka shprehur se nuk ka qëllim të krijojë konflikte, por të gjejë një destinacion që i lejon të vazhdojë të rritet si futbollist.
Në javët në vijim priten bisedime me klube të interesuara, pasi kjo verë mund të shënojë fundin e etapës së tij të dytë te skuadra “Merengue”./GazetaExpress/
