Në SHBA autoritetet kanë identifikuar një tjetër person të prekur nga koronavirusi gjë që e çon në tre numrin e amerikanëve të prekur nga virusi vdekjeprurës. Lajmi u njoftua nga Agjencia e Shëndetit Publik në Kaliforni.
Agjensia me vendndodhje në kontenë Orange njoftoi pak përpara mesnatës të së shtunës se një pacient që kishte mbërritur nga Wuhani i Kinës, kishte rezultuar pozitiv pas testesh mbi virusin.
Pacienti ndodhet në izolim dhe në gjendje të mire shëndetësore njoftuan autoritetet.
Rasti i parë në SHBA u identifikua të martën në shtetin e Uashingtonit. Zyrtarët e shëndetësisë thanë se personi që kishte mbërritur në Siatëll prej Wuhan-it javën e kaluar ishte shtruar në spital dhe ndodhej në gjendje të mirë.
Rast i dytë në SHBA i një personi të prekur nga virusi u raportua në Çikago të premten.
Deri tani virusi i ri ka shkaktuar vdekjen e 56 personave dhe më shumë se 2 mijë të tjerë janë prekur prej tij. Koronavirusi është përhapur në rreth 15 vende, përfshirë Shtetet e Bashkuara, Francën e Kanadanë.
Sipas një udhëzimi të shpërndarë nga Qendra për Kontrollin e Sëmundjeve thuhet se njerëzit që kanë pasur kontakt të rastësishëm me pacientët e prekur nga koronavirusi ka “shumë pak rrezik” të preken prej tij.
Organizata Botërore e Shëndetësi tha të enjten se virusi vdekjeprurës nuk përbën ende një emergjencë shëndetësore botërore.
