Jamie Carragher ndoshta nuk ka qenë kurrë më i etur që Liverpool të sigurojë fitore sesa në ndeshjen e tyre të ardhshme ndaj Inter Milanit sonte në “San Siro”.

Dëshira e fortë e legjendës së “Reds” nuk lidhet me kundërshtarët apo rëndësinë e ndeshjes, por ka të bëjë me Mohamed Salahun.

Udhëtimi i Liverpoolit në Itali vjen pas kritikave publike të sulmuesit egjiptian ndaj Arne Slotit dhe klubit pas barazimit me Leedsin.

Salahu është përjashtuar më pas nga skuadra që udhëtoi drejt Milanit.

Situata kontroverse u shfaq kur Salahu u la jashtë formacionit titullar nga Sloti, ndërsa trajneri holandez po punonte për të përmirësuar fatin e Liverpoolit.

Jo të gjithë kanë mbështetur mënyrën se si Salahu shprehu frustrimin e tij, me Carragherin që ishte veçanërisht i zëshëm në mosmiratimin e tij.

Ish-mbrojtësi i “Reds” ka shprehur zhgënjimin e tij me forcë dhe dëshirën që Liverpooli të triumfojë pa Salahun. Ai reagoi ndaj një postimi në “Instagram” nga Salah, që e tregonte duke u stërvitur vetëm në palestër.

“Nuk jam i sigurt nëse kam dashur që Liverpooli të fitojë një ndeshje më shumë sesa sonte për një kohë të gjatë!” shkroi Carragher në “X”.

Duke diskutuar intervistën e Salahut të hënën në “Monday Night Football” para triumfit 4-1 të Manchester Unitedit ndaj Wolverhampton Wanderers, Carragher komentoi: “Mendoj se ishte një turp ajo që bëri pas ndeshjes. Disa e kanë portretizuar si një shpërthim emocional – unë nuk mendoj kështu. Mendoj se sa herë Mo Salah ndalet në zonën e përzier, gjë që e ka bërë katër herë në tetë vite te Liverpool, është e orkestruar me agjentin e tij për të shkaktuar dëm maksimal dhe për të forcuar pozicionin e tij”.

“Ai ka zgjedhur këtë fundjavë për ta bërë këtë tani, dhe mendoj se ka pritur një rezultat të keq… të gjithë të përfshirë në klub (ndjenja) sikur janë në humnerë, dhe ai ka zgjedhur këtë kohë për të sulmuar trajnerin dhe ndoshta për ta larguar”, tha ai më tutje.

Carragheri që atëherë ka qëndruar pas komentit të tij.

Analisti argumentoi se fjalët e tij nuk duhet të interpretohen si kritikë ndaj lojtarit.

Ai tha: “Nuk ishin sharje, ju dhe të tjerët keni humbur plotësisht qëllimin, i cili ishte se pavarësisht se sa i mirë je, të gjithë kemi nevojë për ndihmë nga klubi, lojtarët dhe tifozët për të qenë të suksesshëm. Ai ka qenë i mahnitshëm për LFC dhe LFC ka qenë i mahnitshëm për të. Thjesht po i kujtoja këtë”./GazetaExpress/