Pas dekadës më të nxehtë të regjistruar në planet, Organizata e Kombeve të Bashkuara pret që ngrohja globale nga gazrat serrë të vazhdojë, duke shkaktuar shumë fenomene meteorologjike ekstreme në vitin 2020 dhe më tutje.
Nga të dhënat që disponon Organizata Botërore Meteorologjike (OMM), viti 2019 ishte viti i dytë më i nxehtë në botë, pas vitit 2016.
“Fatkeqësisht, presim të shohim shumë ngjarje ekstreme klimaterike në vitin 2020 dhe në dekadat në vazhdim, të nxitura nga nivelet rekord të gazrave serrë që ruajnë nxehtësinë në atmosferë”, tha sekretari i përgjithshëm i OMM, Petteri Taalas.
