Agjencia Qendrore e Inteligjencës (CIA) e ndoqi Liderin Suprem Ajatollah Ali Khamenei për muaj të tërë dhe identifikoi një takim të rrallë të udhëheqësve të lartë politikë dhe ushtarakë të Iranit në një kompleks qeveritar në Teheran të shtunën në mëngjes, duke siguruar inteligjencë që e shtyu Izraelin të sinkronizojë kohën e sulmit me goditje në mes të ditës, duke vrarë Khamenein dhe dhjetëra zyrtarë të lartë, raportuan The New York Times (NYT) dhe The Wall Street Journal (WSJ).

Aeroplanët izraelitë hodhën 30 bomba mbi kompleksin e Khameneit, duke e lënë atë "të djegur dhe të shkatërruar", raportoi WSJ.

Operacioni filloi rreth orës 6:00 të mëngjesit sipas kohës së Izraelit, me sulme që goditën kompleksin afërsisht në orën 9:40 të mëngjesit sipas kohës së Teheranit, dy orë e pesë minuta pasi avionët u ngritën.

CIA ofroi informacione me "besueshmëri të lartë" mbi vendndodhjen e Khameneit.

CIA e kishte ndjekur Khamenein për muaj të tërë, duke fituar gjithnjë e më shumë konfidencë në lidhje me vendndodhjet dhe modelet e tij, sipas njerëzve të njohur me operacionin e cituar nga The New York Times.

Agjencia më pas mësoi se një takim i zyrtarëve të lartë iranianë do të zhvillohej të shtunën në mëngjes në një kompleks udhëheqësish në Teheranin qendror dhe, më e rëndësishmja, se udhëheqësi suprem do të ishte i pranishëm.

CIA i ofroi Izraelit informacione "me besueshmëri të lartë" mbi vendndodhjen e Khameneit, sipas personave të informuar

Zyrtarët izraelitë thanë se oficerët e inteligjencës kishin identifikuar jo vetëm një takim, por tre që zhvilloheshin njëkohësisht.

Udhëheqësit ishin mbledhur në zyrat e presidencës iraniane, udhëheqësit suprem dhe Këshillit Kombëtar të Sigurisë së Iranit.

SHBA-ja dhe Izraeli, të cilët fillimisht kishin planifikuar të sulmonin natën nën 'mbulesën' e errësirës, por e harmonizuan kohën për të përfituar nga informacioni në lidhje me tubimin gjatë ditës të liderëve iranianë.

"Të gjithë prisnin për një objektiv në mesnatë, kur kishte mbulesë errësire", tha Amos Yadlin, ish-kreu i inteligjencës ushtarake izraelite, për WSJ, duke vënë në dukje se qershorin e kaluar Izraeli qershorin e kaluar sulmin e papritur e nisi natën vonë.

Sulmi gjatë ditës, tha ai, "ishte një surprizë taktike".

Eliminimi jashtëzakonisht i shpejtë i udhëheqësit suprem të Iranit pasqyronte inteligjencën e thellë që SHBA-të dhe Izraeli kishin zhvilluar mbi udhëheqjen iraniane, veçanërisht pas luftës 12-ditore të vitit të kaluar.

Operacioni gjithashtu ekspozoi dështimin e udhëheqësve të Iranit për të marrë masa paraprake të duhura pavarësisht sinjaleve të qarta nga të dy vendet se ata po përgatiteshin për luftë.

CBS Neës raportoi të shtunën se afërsisht 40 zyrtarë iranianë u vranë në sulmet në përgjithësi.

I dërguari i Iranit në OKB i quan sulmet 'luftë kundër kartës së Kombeve të Bashkuara'

Ambasadori i Iranit në OKB, Amir Saeid Iravani, dënoi sulmet në një seancë urgjente të Këshillit të Sigurimit të OKB-së të shtunën.

"Ajo që po ndodh kundër vendit tim është një akt i qartë agresioni. Është një agresion i hapur i armatosur kundër Republikës Islamike të Iranit", tha Iravani.

"Lufta e Shteteve të Bashkuara dhe Izraelit sot nuk është thjesht një luftë kundër Iranit. Është një luftë kundër Kartës së Kombeve të Bashkuara, një luftë kundër ligjit ndërkombëtar dhe një luftë kundër rendit ligjor ndërkombëtar", shtoi ai.

Trump vuri në dukje të shtunën se vrasja e Khameneit e bën një zgjidhje diplomatike "shumë më të lehtë tani" dhe se "ka disa kandidatë të mirë" për të udhëhequr Iranin, pa dhënë hollësi.