Polonia ka riatdhesuar një sasi të madhe ari me vlerë prej 5 miliardë dollarësh në Varshavë, në një operacion që është mbajtur shumë sekret.
Sasia e madhe e arit është transportuar nga helikopterë, avionë dhe kamionë të teknologjisë së lartë.
Mediat e huaja bëjnë me dije se forca të shumta policie kanë marrë pjesë në këtë operacion shumë të rëndësishëm.
Tetë fluturime u bënë netëve nga një aeroport i Londrës gjatë muajve të fundit.
Rezervat e arit të vendit janë ruajtur në Bankën e Anglisë për dekada, pasi ishin evakuuar nga Polonia në shpërthimin e Luftës së Dytë Botërore, mes frikës se do të binin në duart e nazistëve.
Por qeveria nacionaliste e Polonisë tani ka filluar riatdhesimin e arit në mënyrë që të forcojë vendin.
