Tifozët e boksit kanë hedhur dyshime se fitorja e Jake Paul ndaj Tyron Woodley të shtunën mbrëma ishte kurdisur për ta lejuar ish-yllin e YouTube të fitojë.
Paul e mposhti ish-yllin e UFC-së Woodley duke e nokautuar brutalisht me një goditje të fuqishme me të djathtën në rundin e gjashtë, raporton Gazeta Express.
Por në një video të publikuar nga ky meç Paul shihet duke e dredhur grushtin e djathtë në atë që duket si një sinjal për kundërshtarin e tij, pak çaste para se ta nokautonte Woodleyn.
Dhe tifozët kanë hedhur akuza se meçi ishte kurdisur që Paul të fitonte.
Një tifoz e publikoi videon në rrjetet sociale me mbishkrimin: “E kurdisur? E dredhi grushtin për ta njoftuar atë se koha për nokaut?”
Rigged? The twist of the hand to let him know it's time to flop? pic.twitter.com/0BqOo8rqll pic.twitter.com/6ZWqJdsEyh
Një tjetër tifoz shkroi: “Mbase grushti nuk ishte i rremë, por ai ishte i gatshëm për t’u hedhur në dysheme dhe Paul e goditi mjaftueshëm për ta rrëzuar bindshëm”.
“Ai nokaut i Jake Paul ishte 100% kurdisje. Asnjë luftëtar nuk do ta hante një grusht të tillë të paktën pa e lëvizur kokën në tentim për ta shmangur goditjen”, shkroi një tifoz tjetër.
“Shikojeni se si Jake Paul e dredh grushtin para se të godasë, mua më duket si sinjal. Woodley është paguar për ta marrë atë grusht”, shkroi një tjetër. /Gazeta Express/
