Novak Djokovicit i është futur frika në palcë kur topi i devijuar nga reketi i tij e qëlloi drejt e në fytyrë gjyqtarin e vijave në grand slamin e tenisit, French Open. Jo shumë kohë më parë, serbi u përjashtua nga një grand slam tjetër për arsye pak a shumë të njëjta.
33-vjeçari u përzë nga turneu amerikan US Open muajin e kaluar, pasi e qëlloi me top në fyt gjyqtaren e vijave duke e shfryer mllefin, transmeton Gazeta Express.
Por këtë herë – në fitoren në tri sete kundër Karen Khachanov – nuk pati mundësi që ai të përjashtohej sepse topi ishte në lojë dhe veprimi i tij nuk ishte i rrezikshëm apo i qëllimshëm.
No default this time. #djokovic #rg20 pic.twitter.com/iECrCdo3FS
“Shpresoj se ai është mirë”, tha Djokovic.
“Ai e përballoi këtë fuqishëm dhe guximshëm. Por e godita sepse isha shumë afër”, shtoi ai.
Numri një i botës, Djokovic u diskualifikua nga ndeshja e rundit të katërt kundër spanjollit Pablo Carreno Busta, për shkak se e qëlloi aksidentalisht me top në fyt gjyqtaren e vijave pasi e humbi shërbimin në setin e parë.
Ky është Grand Slami i parë që prej atij incidenti dhe ishte një çast tjetër ankthi për serbin.
Për fatin e tij, gjyqtari nuk u lëndua dhe nuk pati dramë të njëjtë që ishte krijuar pas incidentit të Nju Jorkut.
“U ndjeva në siklet”, tregoi ai. /Gazeta Express/
