Manchester United përgatitet për një ndeshje kyçe ndaj Aston Villa, ndërsa tensionet brenda skuadrës janë në fokus.
Kapiteni Bruno Fernandes rrëfeu se klubi e kishte menduar largimin e tij në merkato, gjë që e la të “dëmtuar”, ndërsa vëllai i Kobbie Mainoo u shfaq me një maicë “Free Kobbie Mainoo” në protestë për mungesën e minutave të mesfushorit.
Trajneri Rúben Amorim tha se Fernandes kishte biseduar me bordin dhe gjithçka është e qartë, duke e cilësuar si një shembull për grupin. Për Mainoo, Amorim theksoi se incidenti nuk do të ndikojë në zgjedhjen e ekipit:
“Ai do të luajë nëse e shohim të drejtë. Nuk është çështje e familjes.”
Nga dëmtimet mungojnë vetëm de Ligt dhe Maguire, ndërsa Mbeumo dhe Diallo janë në Kupën e Kombeve të Afrikës. United është i gjashti në Premier League, dy pikë larg zonës së Champions League, ndërsa Villa renditet e treta. /GazetaExpress
