Presidenti francez Emmanuel Macron duket se e ka mirëpritur vështirësinë që Gjykata e Lartë i ka shkaktuar agjendës së tarifave të Donald Trump.

Duke folur gjatë një vizite në një panair bujqësor në Paris, ai vlerësoi mekanizmat e kontrollit dhe balancës në SHBA si dhe “sundimin e ligjit”, raporton Sky News, përcjell Express.

Ai tha: “Është gjë e mirë që në demokraci të ketë pushtete dhe kundërpushtete. Duhet ta mirëpresim këtë.”

Sa i përket planeve të Trump për një normë globale tarifore, Macron u shpreh: “Do t’i shqyrtojmë nga afër pasojat e sakta, çfarë mund të bëhet, dhe do të përshtatemi.”