Këngëtari dhe reperi kosovar Majk duket se është bërë bashkë përsëri me ish-gruan e tij, Majlinda Zekën, në këto ditë të ftohta të fundvjeshtës, shkruan Express.

Ata kanë publikuar fotografi në profilet e tyre në Instagram, në një vend malor ku shihet që kanë rënë edhe flluskat e para të borës për sivjet. Bashkë me ta ndodhet edhe djali, Roani.

Këto fotografi nga Majk dhe Majlinda janë publikuar në një kohë kur në media po përfolët për një lidhje të mundshme të reperit kosovar me miss-in Blerta Veseli. Këto dyshime ishin ngjallur shumë pasi të dy kishin publikuar fotografi duke darkuar nga i njëjti restorant.

Megjithatë gjithçka rreth statusit aktual të Majkut mbetet një mjegullnajë.

Majk dhe Majlinda janë ndarë shumë kohë më parë edhe përkundër se kishin bashkë një djalë me emrin Roan.

Madje për djalin, çifti ishin përplasur edhe pas ndarjes.

Kjo pasi që Majk në një bisedë me një ndjekëse ishte ankuar se Majlinda s’po e lejon që ta shoh djalin, derisa kjo e fundit në dhjetorin e vitit 2018 kishte shkruar një letër përmes të cilës i kishte kërkuar Majkut që mos t’ia prishë fëmijërinë Roanit./Express/