Në Venecia kanë nisur që të mblidhen të ftuarit në dasmën e shumëpërfolur të Jeff Bezos dhe Lauren Sanchez

Në Venecia kanë nisur që të mblidhen të ftuarit në dasmën e shumëpërfolur të Jeff Bezos dhe Lauren Sanchez.

Mes tyre janë edhe Orlando Bloom dhe Kim Kardashian, të cilët kanë shijuar ribashkimin miqësor në qytetin italian.

Aktori i famshëm ka mbërritur në Venecia si ‘beqar’ pasi është ndarë nga partnerja e tij, këngëtarja Katy Perry.

“Daily Mail” shkruan se 48-vjeçari nuk humbi kohë që ti jepte disa puthje në ajër yllit televiziv.

Kujtojmë se dyshja ka një histori, pasi Orlando është kapur duke ‘shikuar’ të pasmet e famshme të Kim gjatë një eventi me Katy-n, vitin e kaluar.

Imazhi në fjalë u bë menjëherë viral, por Katy në atë kohë reagoi duke qeshur ndaj çdo skandali që u tha në lidhje me këtë, duke thënë se ajo e ‘miratonte’ sjelljen e partnerit të saj.

Ndërkohë në fotografitë e publikuara nga “Daily Mail”, 48-vjeçari shfaqet i veshur me një jelek të zi që i nxirrte në pak krahët, si dhe një palë pantallona të shkurta.

Nga ana tjetër, Kim mban veshur një fustan të gjatë të zi. Ajo e kombinoi veshjen me çizme lëkure gjarpri dhe syze të mëdha, ndërsa hoqi një bluzë me kapuç të zi nga supet.